💢 အရင်နဲ့ မတူဘဲ အစားအသောက် ပျက်နေပါသလား?

🍞 အစားအသောက်တွေက ခန္ဓာကိုယ် ကျန်းမာနေဖို့ လိုအပ်တဲ့ စွမ်းအင်ကို ပေးစွမ်းပါတယ်။ ဗိုက်ဆာနေလား၊ ဗိုက်ပြည့်နေလား ဆိုတာကို ဦးနှောက်နှင့် အစာခြေအဖွဲ့အစည်းက အတူတူ ဆုံးဖြတ်ပါတယ်။ များသောအားဖြင့် အစားအသောက်ပျက်တာက ယာယီပြဿနာတစ်ခုဖြစ်သော်လည်း ဆက်တိုက် စားချင်စိတ် ပျောက်ဆုံးခြင်းကတော့ ခန္ဓာကိုယ် ကျန်းမာရေး (သို့) စိတ်ကျန်းမာရေး ပြဿနာ တစ်ခုခု ရှိနေလို့ ဖြစ်ပါတယ်။ အစာစားချင်စိတ်မရှိရသည့် အကြောင်းရင်းများနဲ့ ဖြေရှင်းနိုင်မယ့် နည်းလမ်းများကို ဆက်လက်လေ့လာကြည့်လိုက်ရအောင်။
🔺 အစာစားချင်စိတ်ကို လျော့နည်းစေသော ခန္ဓာကိုယ် ကျန်းမာရေး အခြေအနေများ
အသက်ကြီးလာခြင်း
သွေးအားနည်းခြင်း
ကင်ဆာရောဂါရှိခြင်း
ဆီးချိုရှိခြင်း
သိုင်းရွိုက်ဟော်မုန်းနည်းခြင်း
အစာအိမ်ပိုးဝင်ခြင်း
အအေးမိတုပ်ကွေးမိခြင်း
ခံတွင်းပျက်စေသော ဆေးဝါးများ သောက်သုံးရခြင်း (အိပ်ဆေး၊ ပဋိဇီဝပိုးသတ်ဆေး၊ သွေးပေါင်ကျဆေးများ၊ ဆီးဆေးများ၊ anabolic steroids နှင့် အကိုက်အခဲပျောက်ဆေးများ)
နာကျင်ကိုက်ခဲခြင်း
ကိုယ်ဝန်ဆောင်နေရခြင်းတို့ ဖြစ်ပါတယ်။
🔴 အစာစားချင်စိတ်ကို လျော့နည်းစေသော စိတ်ကျန်းမာရေး အခြေအနေများ
စိုးရိမ်သောကများခြင်း
စိတ်ဓာတ်ကျခြင်း
စိတ်ဖိစီးမှုများခြင်း
မူးယစ်ဆေးဝါး (သို့) အရက်စွဲခြင်းတို့ ဖြစ်ပါတယ်။

⭕️ ဆက်လက်ပြီး အစာစားချင်စိတ်ကို လှုံ့ဆော်ပေးနိုင်မယ့် နည်းလမ်းများကတော့
မနက်၊ နေ့လည်၊ ည (၃) နပ်ပဲ စားမယ့်အစား တစ်နေ့လျှင် (၅) နပ် (သို့) (၆) နပ် နည်းနည်းစီ ခွဲစားပါ။
ပရိုတင်းနှင့် ကျန်းမာသော အဆီများ ပါဝင်တဲ့ အာဟာရဓာတ်ကြွယ်ဝတဲ့ အစားအစာများကို ရွေးချယ်စားသုံးပါ။
တစ်ဦးတည်း စားတာထက် အပေါင်းအဖော်နဲ့တူတူစားတာ၊ တီဗီကြည့်ရင်း စားတာမျိုးက များများပိုစားမိစေပါတယ်။
အစာစားချိန်တွေကို အချိန်သတ်မှတ်ထားပြီး ထိုအတိုင်းလိုက်နာစားသုံးပါ။
နံနက်စာ စားသုံးခြင်းက အစာစားချင်စိတ်ကို မြှင့်တင်ပေးလို့ နံနက်စာ စားဖြစ်အောင်စားပါ။
ကိုယ်နှစ်သက်တဲ့ အစားအစာကို ပိုစားပါ။
အစာမစားမီ (သို့) စားနေတဲ့အချိန်မှာ ရေ (သို့) အခြားအရည်များကို သောက်ခြင်းအား တတ်နိုင်သလောက်ရှောင်ပါ။
ဗီတာမင် B1, Zinc နဲ့ Fish Oil လို အစာစားချင်စိတ်ကို ဖြစ်ပေါ်စေတဲ့ ဖြည့်စွက်စာများ မှီဝဲပါ။
🛑 ခဏတာ အစားအသောက်ပျက်တာက မစိုးရိမ်ရပေမယ့် ရေရှည်ဖြစ်နေပြီဆိုရင်တော့ အာဟာရချို့တဲ့လာနိုင်၍ ပြန်လည်အစားလိုက်လာမယ့် အထက်ဖော်ပြပါ နည်းလမ်းများအား ဇီဝကမှ မျှဝေလိုက်ပါတယ်…💜