သက်ကြီးဘိုးဘွားများအတွက် ဆေးဝါးစောင့်ရှောက်မှု

အသက်ကြီးလာတာနဲ့အမျှ သွေးတိုး၊ ဆီးချို၊ နှလုံးရောဂါ၊ အဆစ်အမြစ်နာကျင်မှု စတဲ့ နာတာရှည်ရောဂါတွေ တစ်ချိန်တည်းရှိလာနိုင်ပြီး ဆေးဝါးအမျိုးမျိုးကို နေ့စဉ်သောက်သုံးရတာလည်း များလာနိုင်ပါတယ်။ ဒါကြောင့် အသက်အရွယ်ကြီးသူများအတွက် လိုအပ်တဲ့ဆေးကို မှန်မှန်ကန်ကန်နဲ့ ဘေးကင်းစွာ သောက်နိုင်ဖို့က အရေးကြီးပါတယ်။

💊 အသက်ကြီးသူတွေမှာ ဘာကြောင့် ဆေးဝါးစောင့်ရှောက်မှု ပိုမိုလိုအပ်တာလဲ?

အသက်ကြီးလာတဲ့အခါ ခန္ဓာကိုယ်မှ ဆေးဝါးတွေကို စုပ်ယူခြင်း၊ ဖြန့်ဝေခြင်း၊ အသည်းနဲ့ ကျောက်ကပ်ကနေ ချေဖျက်/စွန့်ထုတ်ခြင်းတွေ ပြောင်းလဲလာနိုင်ပါတယ်။ အထူးသဖြင့် ဆေးအမျိုးမျိုးကို တစ်ပြိုင်နက်သောက်နေရသူတွေမှာ ဆေးအချင်းချင်း အပြန်အလှန်သက်ရောက်မှု၊ ဘေးထွက်ဆိုးကျိုးနဲ့ မလိုအပ်တဲ့ဆေးဝါးအသုံးပြုမှုတွေကို ပိုဂရုစိုက်ဖို့ လိုပါတယ်။

👨‍⚕️👩‍⚕️ ဆေးဝါးပညာရှင် (Pharmacist) များက

အားဆေးများ၊ တိုင်ရင်းဆေးများ အပါအဝင် လက်ရှိသောက်နေတဲ့ ဆေးအားလုံးကို အတူတွဲသောက်လို့ ရမရ စစ်ဆေးပေးနိုင်ပါတယ်။

ဆေးအမည်၊ ဆေးပမာဏ၊ ဆေးနှင့် အစားအစာဆက်စပ်မှု၊ ဆေးသောက်ရမည့်ရက် စတာတွေကို အသက်ကြီးသူတွေနဲ့ ပြုစုစောင့်ရှောက်သူတွေ နားလည်လွယ်အောင် ရှင်းပြပေးနိုင်ပါတယ်။

မူးဝေခြင်း၊ အိပ်ငိုက်ခြင်း၊ သွေးပေါင်ကျခြင်း၊ မအီမသာဖြစ်ခြင်း စတဲ့ ဆေးသောက်ရာတွင် ကြုံတွေ့နိုင်သော ဘေးထွက်ဆိုးကျိုးများကို ပြောပြနိုင်ပါတယ်။

အချို့ဆေးတွေကို ရုတ်တရက်ရပ်လိုက်ရင် ပြဿနာဖြစ်နိုင်တာကြောင့် ဆေးလျှော့ခြင်း၊ ရပ်ခြင်း၊ ပြောင်းခြင်းတွေကို ဆရာဝန် (သို့) Pharmacist နဲ့ တိုင်ပင်ပြီးမှ ပြုလုပ်သင့်ပါတယ်။

ဒါကြောင့် မိမိကိုယ်တိုင်ဖြစ်စေ၊ မိသားစုဝင်တစ်ဦးဦးအတွက်ဖြစ်စေ
🔹 လက်ရှိသောက်နေတဲ့ဆေးတွေကို ပြန်လည်စစ်ဆေးချင်တာ
🔹 ဆေးတွေကို ဘယ်အချိန်၊ ဘယ်လိုသောက်ရမလဲ သိချင်တာ
🔹 ဆေးအချင်းချင်း တွဲသောက်လို့ရ/မရ သိချင်တာ
🔹 ဆေး၏ ဘေးထွက်ဆိုးကျိုးများကို သိချင်တာ ရှိပါက ဇီဝကဆေးဆိုင်ရှိ Pharmacists များနှင့် ဆွေးနွေးတိုင်ပင်နိုင်တဲ့အကြောင်း မျှဝေလိုက်ပါတယ်။